Бақайдгирии давлатии бекор кардани ақди никоҳ бо розигии мутақобилаи ҳамсароне, ки фарзандони умумии ноболиғ надоранд

• Ҳамсарон

• Мақомоти САҲШ дар ҷойи истиқомати ҳамсарон ё яке аз онҳо

1. Аризаи хаттии муштараки ҳамсарон ба мақомоти САҲШ*
2. Шаҳодатномаи ақди никоҳ
3. Нусхаи дутарафаи шиносномаҳои ҳамсарон. Дар сурати доштани намунаи кӯҳнаи шиноснома инчунин пешниҳод кардани нусхаи саҳифаи қайди ҷойи истиқомат зарур аст.

*Эзоҳ

Агар яке аз ҳамсарон имконияти ҳозир шуданро ба мақомоти сабти асноди ҳолати шаҳрвандӣ барои додани ариза надошта бошад, изҳори иродаи ҳамсар метавонад дар асоси аризаи алоҳида дар бораи бекор кардани ақди никоҳ ба расмият дароварда шавад ва бояд дар идораи нотариалии давлатӣ тасдиқ карда шавад.

Бақайдгирии давлатии бекор кардани ақди никоҳ бо гузаштани як моҳ аз рӯзи пешниҳод кардани ариза бо супоридани шаҳодатномаи бекор кардани ақди никоҳ ба ҳар яке аз ҳамсарон дар алоҳидагӣ ба ҷо оварда мешавад.