Бақайдгирии давлатии таваллуд дар давоми се моҳ аз рӯзи таваллуди кӯдак

• Падару модар (яке аз онҳо)
• Дар сурате, ки агар падару модар имконияти шахсан додани ариза дар бораи бақайдгирии таваллуди кӯдакро надошта бошанд, ариза аз ҷониби хешовандони яке аз падару модар ё шахси аз ҷониби падару модар ваколатдоршуда, мақомоти васоят ва парасторӣ, ё ки шахси мансабдори муассисаи тиббӣ, ки кӯдак дар он ҷо таваллуд ёфтааст ва ё аз тарафи шахси мансабдори муассисаи дигаре, ки модар дар давраи таваллуд дар он ҷо буд ва ё кӯдаки таваллудшуда дар он ҷо қарор дорад, дода мешавад.

Бақайдгирии давлатии таваллуд дар мақомоти сабти асноди ҳолати шаҳрвандии ҷойи истиқомати падару модар ё яке аз онҳо гузаронида мешавад. Дар ҳолатҳои истисноӣ бақайдгирии таваллуд дар ҷойи таваллуди кӯдак гузаронида мешавад.

Бақайдгирии давлатӣ аз ҷониби мақомоти зерин амалӣ карда мешавад:

• Ҷамоатҳо, дар ҳолати истиқомат дар деҳот
• Мақомоти САҲШ-и шаҳру ноҳияҳо
• Муассисаҳои консулии Ҷумҳурии Тоҷикистон берун аз ҳудуди Ҷумҳурии Тоҷикистон.

1. Ариза дар бораи таваллуди кӯдак, ки аз ҷониби яке аз волидайн пур карда шудааст
2. Шаҳодатномаи тиббӣ дар бораи таваллуд (маълумотнома аз таваллудхона)*
3. Нусхаи дутарафаи шиносномаҳои падару модар (яке аз онҳо). Дар сурати доштани намунаи кӯҳнаи шиноснома инчунин пешниҳод кардани нусхаи саҳифаи қайди ҷойи истиқомат зарур аст
4. Нусхаи шаҳодатномаи ақди никоҳ байни падару модар барои воридкунии маълумот дар бораи падар. **

*Эзоҳ:

• Дар сурати рух додани таваллуд берун аз муассисаи тиббӣ, ҳуҷҷати дорои шакли муқарраршуда оид ба таваллуд, ки аз тарафи табиб ва ё корманди миёнаи тиббии муассисаи тиббӣ, ки дар давраи таваллуд ба зан ёрии тиббӣ расонидааст ва ё модар баъд аз таваллуд ба ӯ муроҷиат намудааст, ё шахсе, ки ба фаъолияти хусусии тиббӣ машғул аст, ҳангоми таваллуд берун аз муассисаи тиббӣ додааст;
• Аризаи дар идораи нотариалии давлатӣ тасдиқшудаи шахсе, ки ҳангоми берун аз муассисаи тиббӣ бе кӯмаки тиббӣ таваллуд ёфтани кӯдак бевосита иштирок намудааст;

**Эзоҳ

• Дар ҳолате, ки агар падару модар дар ақди никоҳи якдигар қарор надошта бошанд, санад дар бораи муқаррар намудани падарӣ зарур аст
• Дар сурати набудани ақди никоҳи бақайдгирифташуда ё муқарраркунии падарӣ пешниҳод кардани аризаи модар барои ворид кардани маълумот дар бораи падар зарур аст. Дар ин сурат насаби падари кӯдак бо насаби модар, ном ва номи падари кӯдак бо хоҳиши модар дар асоси аризаи хаттӣ сабт карда мешавад.

аз 1 то 5 рӯзи корӣ

Тибқи Қонуни ҶТ №1637 гузорӣ аз 19.07.2019 гирифтани шаҳодатномаи таваллуд дар давоми се моҳ аз рӯзи таваллуди кӯдак ройгон мебошад.