Бақайдгирии давлатии ақди никоҳ

• Шахсони никоҳшаванда ё яке аз онҳо, ки имконияти ба шӯъбаи САҲШ ҳозир шуданро надорад

Имзои аризаи шахси ба мақомоти сабти асноди ҳолати шаҳрвандӣ ҳозирнашуда бояд дар идораи нотариалии давлатӣ тасдиқ карда шавад.

• Ҷамоат (дар сурати истиқомат дар деҳот)
• Мақомоти САҲШ дар ҷойи истиқомати як аз онҳо ё падару модари онҳо
• Муассисаҳои консулии Ҷумҳурии Тоҷикистон дар давлатҳои хориҷӣ дар сурати истиқомат берун аз ҳудуди ҶТ.

Дар ҳолате, ки агар шахсони никоҳшаванда (яке аз онҳо) бо сабаби беморӣ ё дигар сабабҳои узрнок ба мақомоти сабти асноди ҳолати шаҳрвандӣ ҳозир шуда натавонанд, бақайдгирии давлатии ақди никоҳ дар хона, муассисаи тиббӣ ва ё дар дигар ташкилот дар ҳузури шахсони никоҳшаванда сурат мегирад.

1. Аризаи шахсони никоҳшаванда бо тасдиқи розигии муштарак барои бастани ақди никоҳ ва инчунин расидани онҳо ба синни никоҳӣ (18+)
2. Нусхаи дутарафаи шиносномаи шахсони никоҳшаванда. Дар сурати доштани намунаи кӯҳнаи шиноснома инчунин пешниҳод кардани нусхаи саҳифаи қайди ҷойи истиқомат зарур аст
3. Ҳуҷҷати тасдиқкунандаи бекор шудани ақди никоҳи аввала, агар шахс (шахсон) пеш аз ин дар ақди никоҳи дигар бошанд (шаҳодатномаи бекор кардани ақди никоҳ, шаҳодатномаи вафоти ҳамсар, ҳалномаи суд дар бораи беэътибор донистани ақди никоҳ)
4. Ҳуҷҷати тасдиқкунандаи муоинаи тиббии ҳатмӣ
5. Ҳалномаи суд дар хусуси розигӣ додан барои бастани ақди никоҳ, дар сурате ки агар шахси (шахсони) никоҳшаванда ноболиғ аст.

Бақайдгирии ақди никоҳ пас аз гузаштани як моҳ аз рӯзи пешниҳод кардани аризаи муштарак амалӣ карда мешавад. Шаҳодатномаи ақди никоҳ дар рӯзи бақайдгирии ақди никоҳ дода мешавад.

Дар сурати мавҷудияти ҳолатҳои махсус (ҳомиладорӣ, таваллуди кӯдак, беморӣ ва ғайра) ақди никоҳро бе пешниҳод кардани мӯҳлати якмоҳа бастан мумкин аст.

Бақайдгирии давлатии ақди никоҳ дар вазъияти ботантана дар бинои мақомоти сабти асноди ҳолати шаҳрвандӣ ва ё берун аз он сурат гирифта метавонад.

Агар ақди никоҳ байни шахсони зерин баста шавад:

• байни шахсоне, ки яке аз онҳо дар никоҳи дигари ба қайдгирифташуда  қарор дошта бошад
• байни хешовандони наздик (падар ё модар бо фарзанд, бобо ё бибӣ бо набераи худ);
• байни фарзандони бародарон, хоҳарон, бародару хоҳар
• байни тағо ва ҷиян, амак ва бародарзода, хола ва хоҳарзода, амма ва ҷиян
• байни шахсоне, ки аз як зан шир макидаанд
• байни шахсоне, ки аз муоинаи тиббии ҳатмӣ нагузаштаанд
• байни бародарону хоҳарони айнӣ ва ўгай ( ки аз як падар ё модаранд)
• байни  фарзандхондагон  ва фарзандхондшудагон;
• байни шахсоне, ки суд  яке аз онҳоро бо сабаби бемории рўҳӣ ё сустақлиаш (ноқисулақлиаш) ғайри қобили амал эътироф  кардааст
• байни шахсоне, ки суд қобилияти амали яке аз онҳоро дар натиҷаи сӯистифодаи машрубот ё маводи нашъадор маҳдуд намудааст.