Бақайдгирии давлатии бекор кардани ақди никоҳ дар асоси ҳалномаи суд

Кӣ барои хизматрасонӣ муроҷиат карда метавонад ?

Ҳамсарон, ё яке аз ҳамсарон

Ба куҷо барои хизматрасонӣ муроҷиат кардан мумкин аст ?

Мақомоти САҲШ дар ҷойи истиқомати ҳамсарон ё яке аз онҳо

Кадом ҳуҷҷатҳоро пешниҳод кардан лозим аст ?

Аризаи собиқ ҳамсарон (яке аз онҳо) ё аризаи васии ҳамсари ғайри қобили амал
Ҳалномаи суд, ки ба қувваи қонунӣ даромадааст
Нусхаи дутарафаи шиносномаҳои ҳамсарон. Дар сурати доштани намунаи кӯҳнаи шиноснома инчунин пешниҳод кардани нусхаи саҳифаи қайди ҷойи истиқомат зарур аст.

Кадом мӯҳлат барои бақайдгирии бекор кардани ақди никоҳ ва додани шаҳодатнома мавҷуд аст ?

Бақайдгирии давлатии бекор кардани ақди никоҳ бо гузаштани як моҳ аз рӯзи пешниҳод кардани ариза бо супоридани шаҳодатномаи бекор кардани ақди никоҳ ба ҳар яке аз ҳамсарон дар алоҳидагӣ ба ҷо оварда мешавад.