Бақайдгирии давлатии муқаррар намудани падарии падар ва модари кӯдак, ки дар ақди никоҳи якдигар қарор надоранд

• Падар ва модари кӯдак, ки дар рӯзи таваллуди кӯдак дар ақди никоҳи якдигар қарор надоранд

• Ҷамоат дар сурати истиқомат дар деҳот ва агар кӯдаке, ки нисбат ба ӯ падарӣ муқаррар намуда мешавад, ба синни як нарасидааст
• Мақомоти САҲШ дар ҷойи истиқомати падар ё модар, ё
• Мақомоти САҲШ дар ҷойи бақайдгирии таваллуди кӯдак

1. Аризаи муштараки падар ва модари кӯдак дар бораи муқаррар намудани падарӣ*
2. Нусхаи дутарафаи шиносномаҳои падару модари кӯдак. Дар сурати доштани намунаи кӯҳнаи шиноснома инчунин пешниҳод кардани нусхаи саҳифаи қайди ҷойи истиқомат зарур аст
3. Шаҳодатномаи таваллуд дар сурате, ки кӯдак аллакай аз ҷониби модар ба қайд гирифта шудааст
4. Розигии хаттии кӯдак дар сурате, ки агар кӯдак ба балоғат расидааст.

*Эзоҳ

Агар падар ё модар имконияти шахсан додани аризаро надошта бошанд, розигии онҳо метавонад дар аризаҳои алоҳида дар бораи муқаррар намудани падарӣ қайд карда шавад. Шахсоне, ки ҳангоми додани чунин ариза имконияти ҳузур доштанро надоранд, имзои онҳо бояд аз тарафи идораи нотариалии давлатӣ тасдиқ шуда бошад.

Шаҳодатнома дар бораи муқаррар намудани падарӣ аз тарафи мақомоти сабти асноди ҳолати шаҳрвандӣ ба падару модар дар давоми панҷ рӯз аз рӯзи муроҷиат ройгон дода мешавад.

Дар асоси сабти санад дар бораи муқаррар намудани падарӣ тағйироти дахлдор ба сабти санад дар бораи таваллуди кӯдак ворид карда мешавад ва шаҳодатномаи нави таваллуд дода мешавад.